من كم يوم و مفيش سيرة الا لموضوع الكونجستال و ادوية الكحة الي دخلت جدول
و ما بين معترض و مؤيد
و ليلة كبيرة سعادتك
طب ايه الموضوع
الموضوع يا سيدى ان الخناقة كلها كانت عشان ١٠ متر سيراميك فرز تالت
الموضوع مثير للسخرية فعلا
بداية القصة صور انتشرت علي الفيس يوم ٢ مارس ٢٠٢١
ان الاصناف دي و اشهرها كونجستال دخلت جدول مخدرات
و القرار من يوم ١ مارس
و النعمة ما حصل
و الفاجر يقولك المصدر هيئة الدواء
كل الي فوق ده هري
يعني ايه اصلا جدول ؟
لا ما انا مش هعيد تاني
خش اقرا الموضوع ده و تعالى
بالراحة كده
فيه قانون اسمه قانون مكافحة المخدرات
رقم ١٨٢ لسنه ١٩٦٠
و القانون ده ملحق بيه جداول "لستة مواد"
المواد دي مش شرط ادوية
هتلاقي الحشيش و الافيون هناك
في الجدول الاول
الي اسمه الجواهر المخدرة
و هتلاقي البنزوديازربين و الكودايين في الجدول التالت
الي اسمه
المواد التي تخضع لبعض قيود الجواهر المخدرة
طب فين الدكستروميثورفان وسط الوحوش دول
علي حد علمي انه مش موجود في جدول المخدرات
لكن موجودة في جدول المؤثرات العقلية
قرار ١٧٢ لسنة ٢٠١١
اكتر من ١٠ مجم في الجرعة ده جدول أول
من ٥ مجم الي ١٠ مجم ده جدول تاني
اقل من ٥ مجم برة الجدول
كونجستال كم ؟
٤.٥مجم
===
طيب ازاي دواء بيدخل او يطلع من الجداول دي ؟
طبقا لقانون المخدرات
دي سلطة وزير الصحة
يصدر قرار بناءا علي احتمال اللجنة الثلاثية
الي هي صحة و عدل و داخلية
و بعد صدور قرار انشاء هيئة الدواء المصرية
انتقلت الصلاحية من وزير الصحة الي رئيس هيئة الدواء،
اللي هو بدرجة وزير
و قراره يعتبر قرار وزاري
و ينشر في الجريدة الرسمية
و يعمل به في اليوم التالي انشره ما لم ينص علي خلاف ذلك
القرار بيصدر باسماء المواد الفعالة و تركيزات محددة
مش بيصدر باسماء تجارية
حتي كتابة هذه الكلمات
مفيش شيء من ده حصل
فاهدوا بقي ها
اهدوا
شكرا للمشاركة