الاحدث

سوق العمل | معامل التحاليل الطبية - الحلقة رقم 2


 الحلقات السابقة

سوق العمل | معامل التحاليل الطبية - الحلقة رقم 1

 


خلاص اخذت قرارك وجهزت ورقك ونويت تحضر وتذاكر طيب هنقدم فين ؟؟

ناخد بالنا الاول ان مش كل الكليات دبلوماتها معتمدة في دبلومات مش معتمدة من الوزارة 

بالنسبة لنا كصيادلة اي دبلومة اكاديمية وخد بالك من اكاديمية من اي كلية (صيدلة -علوم -بيطري) هتبقى ممتازة وهتتقبل 

محدش يقولي انا اخذت دبلومة مهنية تبعد معهد كذا ولا مع مركز تدريب كذا كل ده لا قيمة له اطلاقا ومش هتعرف تسجل بيه 

طيب ايه احسن الاماكن 
 
عندك في صيدلة : المنصورة - الزقازيق - الإسماعيلية - عين شمس (بيخرجوا أعداد قليلة

عندك في علوم : اسكندرية (أشهر دبلومة تحاليل في الجمهورية وبتخرج كل سنة 700 أخصائي) 
 شبين الكوم ( بدأت تشتهر برضه بتخرج حوالي 700 ) 
 الإسماعيلية ( بتخرج حوالي 1000 أخصائي)

عندك بيطري

مشتهر / اللي جنب بنها ( تنافس الأسكندرية وبتخرج حوالي 1000 أخصائي على ما اسمع ) - المنصورة (مبتعديش ال 50 في أي كلية) بس (علوم بكتيريا ممكن تعدي ال 80)

طيب ايه الفرق بينهم 

المنصورة (معقدين أوي ) - عين شمس (ناشفة؟)

* تحاشى هؤلاء : مشتهر لان اللي بيدخل ما بيطلعش إلا فيما ندر

 - شبين (مهرها غالي 2500 ) - طنطا( !بيقولوا صعبة ومش عاطفية)

* ارشح لك دول : الزقازيق و الإسماعيلية (باشا !!) - اسكندرية (شغالة ومانجه) – شبين (مووووووووووز / بس غالية) - بنها ( وأنت واقف!!!)

ممكن يكون الاعداد اتغيرت والمصاريف حدد عايز تحضر فين وتروح لشئون الكلية للدراسات العليا وتسال هناك ايه المطلوب وبيبداوا في فتح التسجيل عندهم امتى 


نخلي بالنا تااااااني السجلات الخاصة بمهنة التحاليل الطبية هي :

يجب الحصول على دبلوم أو بكالوريوس في التحاليل الطبية أو دبلوم الدراسات
العليا أو ماجستير أو دكتوراة في أحد فروع العلوم الطبية في التحاليل الطبية
 لمزاولة المهنة.

تراخيص مزاولة المهنة التي تعطى تنقسم لأربعة أصناف حسب الشهادات العلمية
كالتالي :

حضرتك بعد الدبلومه حتسجل نفسك فى احد الجداول الاتية :

1-(ترخيص كيميائي طبي) لمن حصل على دبلوم الدراسات العليا أو ماجستير أو
دكتوراة في الكيمياء الحيوية   (علوم وبيطرى وصيدلة)

2-(ترخيص ميكروبيولوجي أو بكتيريولوجي) لمن حصل على دبلوم الدراسات العليا
أو ماجستير أو دكتوراة في الميكروبيولوجي (علوم وبيطرى)
 اوالمناعة (صيدلة وبيطرى)

3-(ترخيص باثولوجي ( أنسجة)) وهو للحاصل على دبلوم الدراسات العليا أوماجستير أو دكتوراة في تخصص الباثولوجيا(طب بشرى)

4-(ترخيص باثولوجي إكلينيكي) للحاصل على دبلوم الدراسات العليا أوالماجستير أو الدكتوراة في الباثولوجيا الإكلينيكية (طب بشرى)

طيب خلصت واخذت الخطوة دي من زمان ومعاك دلوقتي (دبلوم-ماجستير-دكتوراة) 

هنقولك مبروووك وانتظرنا الحلقة الجاية عن الاوراق اللازمة للترخيص 


اي كلية صيدلة هتاخد منها دبلومة تبقى في المضمون
طيب فين المشكلة ؟؟؟    
في علوم وبيطري
ممكن بعض الجامعات دبلومتها ما تبقاش معتمدة والوزارة مش هتعترف بيها وتبقى دفعت فلوس وبذلت جهد على الفاضي


By
Noha ELgazar
 
 
الحلقة القادمة 

 



حجم الخط
+
16
-
تباعد السطور
+
2
-