دخلت كليتك ليه ؟
عن حب ؟ اقتناع ؟ ولا بس عشان قدرت تجيب مجموعها
طب بعد ما اتخرجت . . بتحب شغلك ؟ مقتنع بيه ؟
و لا اهو اي حاجة ؟
زملاء كتير في المجال الطبى من فترة مش بعيد مهتمين بالكارير شيفت سواء بتغيير المسار الوظيفى تماما
او عمل تعديل داخل نفس المجال عن طريق الكورسات او الدراسات العليا او المنح الدراسية فى جامعات مختلفة خاصة
لو خريج جديد مش لاقى نفسه فى المجال اللى اتخرج منه
او حتى مش متخيل نفسه بعد التخرج يشتغل بشهادته خصوصا مع زيادة أعداد الخريجين وقلة الفرص فى المجال الحكومى او الخاص
الحقيقة انه الفترة اللى فاتت ناس كتير قدرت تخلق لنفسها مجال عمل مميز بعيد عن دراستها (او قريب بس مختلف و غير تقليدي) ونجحت فيه مجاح مبهر
أسئلة مهمة لازم تسألها لنفسك اذا كنت عالق في المنتصف
بين اتخاذ القرار أو التراجع عنه
-ايه الدوافع اللى بتحفزك لتغيير مجال شغلك ؟
- أنت بتشتغل ليه!!
- ليه بتفكر فى كارير شيفت هل لتحسين دخلك فقط أم لاحساسك بالملل من ممارسة نفس الروتين اليومى فى مجالك وعدم اكتساب أى خبرات جديدة حياتية ؟
-ايه هي اهتماماتك وايه أكتر حاجة بتحفزك للخروج من البيت كل يوم
مع الأخذ فى الاعتبار ان الاولويات بتترتب مش دايما على حسب الجانب النفسي .
ساعات الجانب المادى كمان بيخلينا نتحرك ناحية الاوضاع اكثر امانا بمعنى مرتب ثابت اخر الشهر
-ايه اللى يخليك مميز فى عملك وايه اللى بتستفيده منه؟
واحنا حابين الفترة الجاية ندرس بعض الحالات اللى أثبتت وجودها ونجاحها كان مميز ونختص كل حلقة بمجال مختلف
دي كانت مقدمة سريعة كده
كالقاء حجر في الماء الراكد
بداية سلسلة حلقات عن الخروج من التقليدي و النهوض عن الاريكة المريحة
وانتظرونا قريبا مع اول حلقة عن مجال التغذية العلاجية
ما الذي تستطيع منحه لهذا الكوكب 😀
ومنتظرين من كل متابعينا اللى عنده تجربة محتلفة يقدر يشاركنا بيها او يبعتلنا فيديو يشرحلنا تجربته و ازاى وصل
شكرا للمشاركة