ما بين الصيدلة و تكنولوجيا المعلومات
pharmacy informatics
===
في الحلقة التانية من سلسلة الفضفضة عن المعلوماتية الصيدلية
هنتكلم عن شوية مفاهيم اساسية
المفاهيم دي من وجهة نظري ان الاجيال الجديدة يمكن يكونوا اشطر مننا فيها
هنوضحها بشكل مبسط
شوية تعريفات اساسية مش بس عشان موضوع المعلوماتية الصيدلية
لكن من وجهة نظري هي مهمة عموما لاي حد
هنفترض اننا عاوزين نبدا ناس نظام الكتروني في مستشفي مثلا
فاول حاجة هي تصور الهيكل المعلوماتي الي هيقوم عليه النظام ده
architecture
و ده يشمل حاجات كتير
Hardware
المصطلح مش غريب علينا اكيد سمعناه كتير
ترجمته الحرفية = العتاد الصلب
المقصود بيه الاجهزة زي
مكونات الكومبيوتر مثلا
الطابعات
اجهزة سكانر
الحاجة الي نقدر نمسكها بايدينا يعني
physical parts
software
المصطلح ده برضو متداول بالذات مع الهواتف الذكية
مقصود بيه البرامج سواء كانت انظمة تشغيل او برامج تانية
هو جزء غير ملموس
منقدرش نمسكه واقعيا
operating system
نظام التشغيل الي هو
software operating the hardware
البرنامج الي بيشغل الاجهزة سواء كومبيوتر او تليفون او تابلت او غيرهم
طبعا فيه انظمة تشغيل كتير
اشهرهم ويندوز / لينوكس/ ماك / اندرويد
فنظام التشغيل هو الوسيط الي بين حضرتك كمستخدم و البرامج الي بتستخدمها
و بين الجهاز نفسه ومكوناته
===
طيب كده عندنا الكومبيوتر مثلا و عليه نظام تشغيل ويندوز
ايه بعد كده
Network
الشبكة
لو انا في مستشفي مثلا
كل جهاز كومبيوتر مش بيكون لوحده كده زي الاجهزة الشخصية في البيت
لا لازم يكونوا متوصلين ببعض بشبكة
الشبكة دي ممكن تكون سلكية او لاسلكية
شبكة انترنت زي الي كلنا عارفينها
او شبكة داخلية انترانت - و ده الاغلب في الاستخدام
و الشبكة دي مكونة من اجزاء ملموسة زي سويتش و الاسلاك و الراوتر
و اجزاء غير ملموسة زي البرامج الي بتشغلها مثلا و انظمة الحماية
====
طيب كده بقي عندنا الاجهزة و عليها نظام تشغيل و متوصله مع بعض
و بعدين ؟؟
فيه مفهوم اسمه
فيه مفهوم اسمه
server
بالعربي الترجمه الحرفية الخادم
بينما الاجهزة الفرعية بيسموها
Client
عزيزي العميل يعني
ماهو لازم البيانات بتاعه الشغل تتخزن في جهاز له مواصفات عالية الي هو السيرفر ده
و الي له انواع برضو
ممكن يكون
Local server
جهاز موجود فعليا داخل المؤسسة و مرتبط بالاجهزة بشبكة محلية
intranet
او سيرفر افتراضي موجود فوق في السحاب Cloud
بتوفره شركات استضافة عالمية او محلية
المهم ان السيرفر ده هو مكان مركزي لتخزين البيانات
و فيه تفاصيل مش محل ذكرها
طيب البيانات دي هتتخزن ازاي ؟
في شكل قواعد بيانات
Database
و الي بتكون عبارة عن الوعاء الي بتتخزن فيه البيانات
و لما جهاز العميل يطلبها ترد عليه بالطلب الي طلبه
زي البنك كده متخزن فيه فلوس العملاء
و لما تطلب و يكون ليك الصلاحية في الطلب ده تديك الي طلبته بس هنا بيانات مش فلوس
ابسط قواعد البيانات من وجهة نظري MS access
الي تبع الاوفيس
فيه حاجات تانية كتير اشهرها
SQL SERVER
ORACLE
MY SQL
طيب كل ده اساسيات فين بقي الشغل بتاعنا ؟
البرنامج الي هنشتغل عليه
هو بيكون برنامج واحد ؟
في الحقيقة لو مستشفي كبيرة
بيكون فيه برنامج كبير جواه برامج صغيرة بتتكامل مع بعض
و الجزء ده هو الي يعنينا كصيادلة هنشتغل في الجزئية دي
اما الكلام الي قلناه في الاول هو مش شغلنا في الحقيقة و ليه ناس ده تخصصهم
لكن مهم نكون عارفينه و فاهمين الاجزاء دي بتشتغل ازاي مع بعض
طيب البرامج الي هنشتغل عليها دي ليها انواع
Desktop application
البرامج المكتبية الي بتحتاج يتعمل ليها تنصيب بالمصري تسطيب علي جهاز العميل
web application
دي عكسها بتشتغل علي اي متصفح انترنت زي جوجل كروم مثلا
mobile application
ده زي تطبيقات الاندرويد او ابل خاص بالاجهزة الذكية
هو فيه موبايل ابليكاشن في مستشفي ؟
اه ممكن يتعمل تطبيق للمريض مثلا يشوف مواعيده و تقاريره
عوامل كتير بقي هتاثر علي اختيارنا
طيب خلاص اخترنا او عملنا التطبيق
ايه بعد كده
نكمل في حلقة جاية ان شاء الله
===
by ahmed orabi
شكرا للمشاركة