ما بين الصيدلة و تكنولوجيا المعلومات
Pharmacy informatics
بالعامية المصرية .. بلهجة بسيطة
نقدر نعتبرها فضفضة
تعريف و نقاش عن مفهوم جديد نوعا ما (المعلوماتية الصيدلانية)
pharmacy informatics
هو ممكن يكون دخل حيز الدراسات الاكاديمية
لكن لسه جديد في نطاق التطبيق العملي في الدول العربية
و عشان نبدأ القصة من الاول
علي مر التاريخ و العصور و الطب و علوم الادوية في تطور و تقدم مستمر
و زي ما علوم الطب و الصيدلة بتتطور و تتقدم سبقها في السرعة تطور التكنولوجيا
و زي ما التكنولوجيا دخلت كل ثغرات حياتنا ... كان لازم تدخل المجال الصحي
في علم كبير اسمه Health informatics المعلوماتية الصحية
باختصار المعلوماتية الصحية هي الجزء المشترك بين تكنولوجيا المعلومات و العلوم المتعلقة بالصحة
جزء من المعلوماتية الصحية هو المعلوماتية الصيدلانية
و هو الجزء الي انا حابب اتكلم عنه بحكم شغلي الاساسي كصيدلي
و الشخص المهتم بيها بيكون غالبا عنده خلفية صيدلانية او طبية
و مهتم بتكنولوجيا المعلومات
هو مش مهندس و شغله في الجزئية دي مش صيدلي بمعناه التقليدي
هو وسيط ما بين اتنين بيتكلموا لغتين مختلفتين كليا
هو مش بيصلح الكومبيوتر و لا بينزل نسخة ويندوز
اي حاجة ليها علاقة بتخزين او نقل او استدعاء بيانات تخص الرعاية الصحية
بيانات مرضي - مواعيد عيادة - قائمة تشخيص - تحاليل - أشعات - ادوية الخ الخ
سواء برامج او اجهزة كل ده تبع المعلوماتية الصحية
في جزء المعلوماتية الصيدلية بيكون التركيز اكتر علي الوصفة الالكترونية و الادوية و
ادارة المخزون و اجهزة الصرف الالية
لكن خد بالك متقدرش تفصل فصل تام بين المعلوماتية الصحية و المعلوماتية الصيدلية
بمثال توضيحي
لو شغال في مستشفي و فيها نظام معلوماتي
HIS = Hospital Information System
فده بيكون نظام كبير جواه اكتر من
module
من ضمنهم
PIS = Pharmacy Information System
الجزء المعني بصرف الوصفات و الادوية و المخزون و تقارير خاصة بالصيدلية
لكن عمليا الجزء ده مش بيكون لوحده هو بيتكامل مع باقي اجزاء السيستم الكبير ده
زي الجزء الخاص بملفات المرضي و بياناتهم و مواعيد العيادات و دخول المستشفي
و بعده الجزء المتعلق بالطبيب و كتابة الوصفة الطبية
و جزء تاني خاص بالحسابات
كل ده امثلة لأجزاء بتشتغل في تناغم و تكامل ضمن منظومة واحدة
اعمال ورقية أقل
سرعة و دقة
تواصل و تكامل بين الاقسام المختلفة
سلامة المرضي
جودة الخدمة
مش بصدد شرح اهمية وجود نظام معلوماتي سواء في المستشفي او حتي الصيدليات العامة
لكن مثال بسيط .. عاوز اعرف الدواء الفلاني
مين المرضي الي بيستخدموه
استهلاكي خلال فترة زمنية
رصيدي من الدواء حاليا
تاريخ صلاحيته
مين الاطباء او الاقسام الي بيوصفوا الدواء ده
لو في نظام ورقي لك ان تتخيل المعاناه عشان تطلع نقطة واحدة من الي فات
لو نظام الكتروني اكيد هيساعدك
اما لو نظام الكتروني مبني علي فهم و pharmacy informatics
بطريقة صح
بكبسة زر .. تطلع التقرير المطلوب
دي كانت مقدمة .. دردشة بمعني ادق و ان شاء الله نكمل في حلقات جاية
===
by ahmed orabi
شكرا للمشاركة