يعني ايه الحجز الاداري علي الصيدلية
يعني ايه حجز اداري
الحجز الاداري باختصار انه فيه قانون قديم رقمه 308 لسنة 1955
القانون ده بيتيح للدولة - الجهات الادارية او الشركات و البنوك الحكومية -
انها تاخد تحصل مستحقاتها المالية عن طريق حجز و بيع ممتلكات المدين بالمزاد العلني
في احوال محددة الي يهمنا منها
1- الضرائب و الرسوم و ما في حكمها
2- المبالغ المستحقة للدولة مقابل خدمات عامة
3-الغرامات المستحقة للحكومة
4- البنوك الحكومية او التي تساهم بها الحكومة باكثر من النصف
5- المبالغ الاخري التي نصت عليها قوانين اخري
و من اهمها هيئة الشراء الموحد و الشركات التابعة لها - زي الشركة المصرية لتجارة الادوية
مادة 12 من قانون انشاء هيئة الشراء الموحد
الجهات المذكورة حقها مش بس تحجز علي الصيدلية او الادوية الي فيها عشان تحصل مستحقاتها
لكن الحق يمتد للحجز علي كل ممتلكات المدين بما يكفي لسداد المبلغ المستحق
طب الكلام ده يهمني في ايه كصيدلي
الحقيقة مهم جدا لاي حد مأجر صيدليته او مرخص صيدلية بإسمه لجهة او شخص
الجهات دي يهمها فقط تحصيل مستحقاتها و التفاصيل مش مهمة اطلاقا
شكرا للمشاركة