زميلي الصيدلي حديث التخرج
خد بالك من الاتي
بعد ما تخلص اجراءات ترخيص المزاولة و قيد النقابة (هنتكلم عنهم بعدين بالتفصيل)
بيكون كده معاك ترخيص قانوني من وزارة الصحة بمزاولة المهنة
في مصر الترخيص ده بيكون مفتوح و غير محدد بمدة
يتيح لك الشغل في اي مكان
لكن النقطة المهمة هي الاتي
انك عشان تقدر ترخص صيدلية او تسجل مدير
لازم يكون مر عليك عام ميلادي قضيته في مزاولة المهنة
يعني يكون معاك سنة خبرة (تحسب من تاريخ ترخيص مزاولة المهنة )
طبقا للمواد 19 و 30 من قانون مزاولة مهنة الصيدلة 127 لسنة 1955 (اضغط هنا للاطلاع علي النص كاملا)
مادة 19
يدير كل مؤسسة صيدلية صيدلي مضى على تخرجه سنه على الأقل أمضاها في مزاولة المهنة في مؤسسة صيدلية حكومية أو أهلية
مادة 30
لا يمنح الترخيص بإنشاء صيدلية إلا لصيدلى مرخص له فى مزاولة مهنته يكون مضى على تخرجه سنه على الأقل قضاها فى مزاولة المهنة فى مؤسسة حكومية أو أهلية ويعفى من شروط قضاء هذة المدة الصيدلى الذى تؤول إلية الملكية بطريق الميراث أو الوصية
لا يمنح الترخيص بإنشاء صيدلية إلا لصيدلى مرخص له فى مزاولة مهنته يكون مضى على تخرجه سنه على الأقل قضاها فى مزاولة المهنة فى مؤسسة حكومية أو أهلية ويعفى من شروط قضاء هذة المدة الصيدلى الذى تؤول إلية الملكية بطريق الميراث أو الوصية
بالتالي عندك سنة من تاريخ الترخيص لازم متضيعهاش و تاخد شهادة خبرة بيها عشان تقدر بعد سنة تسجل مدير او ترخص صيدلية
فيه ادارات صيدلية معندهاش مشكلة انها تعتمد اي شهادة خبرة انت جبتها من صيدلية
و فيه ادارات تانية تطلب انك تكون مسجل عندها صيدلي تاني
لذلك
اول ما تطلع ترخيص المزاولة و تشتغل في صيدلية .. توجه الي ادارة الصيدلة لتسجيل صيدلي تاني
عشان تضمن انك بعد سنة يكون معاك شهادة خبرة بالمدة دي و متضيعهاش عليك
ملحوظة مهمة : الشغل في الدعاية لا يعتبر من مجالات مزاولة المهنة