توعية صحية | مخاطر الحقن العضلي في الإلية
و معظم النار من مستصغر الشرر
مشكلة كبيرة ممكن تحصل من شيء بنعتبره بسيط
حقنة عضل
كتير بنسمع كلمة (خد حقنة غلط)
و بغض النظر عن صحة المصطلح من عدمه
الا ان الحقيقة الثابتة ان حقنة عضل تتاخد بشكل غلط
كفيلة انها تسبب مشكلة صحية كبيرة و علاجها بياخد وقت
طب الاول نتكلم عن الحقن العضلي و ايه الطريقة الصح ليه
نتفق علي مبادئ عامة
اولا
Protect yourself
يعني احترس انك تجرح نفسك او تتسبب لنفسك في نقل عدوي
ثانيا
Protect the patient
تكون حذر من التسبب في اذي او نقل عدوي للمريض
ثالثا
Check
اتأكد انها الحقنة الصح للمريض الصح
اتأكد من طريقة اعطاء الحقنة اذا كان لها ارشادات خاصة
(بالذات لو اول مرة تتعامل معاها)
رابعا
Safety
اتأكد من تطبيق قواعد منع العدوي و التخلص الامن من المخلفات الطبية بالذات السرنجات
في الصورة دي
بتوضح المكان الصحيح للحقن العضلي في عضلة الالية
و هنتكلم عنها تحديدا لخطورة المكان
ده بسبب وجود العصب الوركي فيه
الربع العلوي الخارجي (المظلل بالاخضر ) هو المنطقة الامنة
بعيدا عن العصب الوركي
الصورة الجاية دي لتوضيح اهمية العصب ده
ممتد من اول اعلي عضلة الالية و حتي نهاية القدم
بمعني ان اي مشكلة فيه هتتسبب في ضرر كبير
(هو نفس العصب المسئول عن "عرق النسا")
الخطورة بتتفاوت حسب مكان الحقن
و كمان الدواء اللي تم حقنه
الضرر ده ممكن يتراوح بين خلل في الاحساس في الساق
و ممكن يوصل الي حالة شلل
الاطفال هم الاكثر عرضة للخطر
لانه ممكن ينتج عنها تليف في العصب و يتسبب في ضرر طويل المدي
(حالة شلل رخو)
احصائيات بتقول 12 % من حالات الشلل الرخو بتكون بسبب الحقن العضلي الخاطئ
الاقل من 5 سنوات
يوصي ان الحقن يكون في الكتف او الفخذ
لذلك من فضلك .. خد بالك