بمناسبة الحديث عن نقص لبن الاطفال
وموضوع ليه مانعملش مصنع البان اطفال في مصر
في سنة ٢٠٠٣ تقريباً كان فيه مستثمر محترم قرر انه يقتحم المجال ده واسس اول مصنع في الشرق الاوسط لانتاج البان الاطفال
المصنع اتكلف كتير واتصرف عليه كتير وكان رئيس مجلس ادارته عميد كلية صيدلة
وللاسف الراجل ده قرر يشغل بنته ( اللي كانت لسة متخرجة من كلية علوم وماتعرفش حاجة ) رئيسة قسم الكواليتي كونترول
المصنع كان تحت رخصة شركة المانية محترمة وكل حاجة بتيجي من المانيا مع اتفاق لنقل الخبرة والوصول بعد فترة لتصنيع كامل مصري
المصنع كسب التوريد الحصري تقريباً لوزار الصحة لانه كان بيورد للوزارة ب ٩ ج وتكلفته ٧ ج فكان بيكسب ٢ ج وده كان معقول في حين ان المستورد كان بيتورد للوزارة ب ١٤ ج
طبعاً حصلت عليه حرب رهيبة من كل شركات الالبان المستوردة لكنه اثبت كفاءته في السوق وماكانش فيه مشاكل
المشكلة حصلت لما الدولار زاد من ٥:٢٥ الي ٧:٢٥ تقريباً وده خلي الشركة تقريباً بتخسر في كل علبة
ولما كلمت وزارة الصحة الوزارة رفضت تزود اي مبلغ لان فيه عقد بالسعر ده وفيه شروط جزائية ومصايب كتير
هنا اشتغلت الفهلوة المصرية والاخت اللي كانت ماسكة الكواليتي وابوها رئيس مجلس الادارة قالت نوفر شوية
وتفتق ذهنها عن التوفير في العلب الصفيح اللي كان تمنها حوالي ٢ ج وبتيجي مستوردة من المانيا انها تجيب مكانها علب صفيح مصري الواحدة بنص جنيه بس
المصيبة طبعاً ان العلب الصفيح المصري ماكانتش فيها طبقة عازلة عشان اللبن مايتفاعلش مع الصفيح
وللاسف بعد شهرين تلاته من الموضوع ده بدأت عبوات اللبن تطلع ريحة مش حلوة نتيجة تفاعلات مع الصفيح اللي ماتعملش عليها اي دراسات
وطبعاً الشركات الاجنبية والمستوردة ماصدقت وكبرت الموضوع ( الكبير بالفعل ) وعملت حملات ادت لايقاف تداول اللبن المصري وغلق المصنع وخسارة استثمارات فوق ال ٢٠٠ مليون جنيه
دلوقتي المصنع ده بيعمل مبيض الحليب بتاع النيسكافيه وهو مجهز اساساً لانتاج لبن الاطفال
منقول عن
شكرا للمشاركة